Undanfarnar vikar hafa starfsmenn félagsins unnið að grisjun skógarins í Selhöfða við Hvaleyrarvatn. Um er að ræða stafafuru (Pinus contorta) sem gróðursett var upp úr 1980. Fururnar eru núna flestar í kringum 11 – 15 m háar. Við grisjun eykst botngróðurinn, gæði og hreilbrigði þeirra trjáa sem eftir standa verður meira og skógurinn verður miklu betri til hvers konar útivistar. Timbrið sem til fellur er nýtt í eldivið og kurl. Grisjunin er m.a. styrkt af Landgræðslusjóði.
