Margar hendur vinna létt verk

Eins og svo mörg undanfarin sumur hefur Skógræktarfélag Hafnarfjarðar notið starfskrafta ungmenna sem kostuð eru af Landsvirkjun undir kjörorðunum "Margar hendur vinna létt verk". Rúmlega 20 ungmenni á vegum Landsvirkjunar störfuðu hjá félaginu í sumar þegar mest var. Unnið var að gerð og viðhaldi göngustíga í skóginum og í kringum Hvaleyrarvatn, gróðursetningu, áburðargjöf, hreinsun o.fl. Félagið þakkir Landsvirkjun fyrir sitt framlag til að gera útivistarsvæðið í upplandi bæjarins aðgengilegra og betra. Þetta vinnuframlag skiptir miklu fyrir starfsemi félagsins.