20 % afsláttur til félaga. Lokað um helgina.

 Opið milli kl. 09.00 - 18.00 vikuna 2. - 5. ágúst 2016. Lokað helgina 6. - 7. ágúst. Bjóðum öllum félögum í skógræktarfélögum og félögum í Garðyrkjufélagi Íslands 20% afslátt af öllum plöntum þessa viku. Hægt er að gerast félagi í Skógræktarfélagi Hafnarfjarðar á staðnum. Árgjaldið er kr. 2.000,-. Einnig er hægt að gerast félagi inn á heimasíðu Skógræktarfélags Hfj skoghf.is. Síminn í Þöll er: 555-6455 eða 894-1268 (Steinar). Netfangið er: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

20% afsláttur til félaga í skógræktarfélögum og félaga í Garðyrkjufélagi Íslands

 Gróðrarstöðin er opin frá kl. 09.00 - 18.00 virka daga. Laugardaginn 30. júlí 2016 verður opið frá kl. 10.00 - 17.00. Bjóðum félögum í skógræktarfélögum og félögum í Garðyrkjufélagi Íslands 20% afslátt af öllum plöntum út mánuðinn (annars 15% afsláttur alla jafna til félaga). Síminn er: 555-6455 eða 894-1268 (Steinar). Netfangið er: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . Mikið úrval af alls kyns trjám og runnum í pottum. Einnig úrval af skógaplöntum.

Lokað helgina 19. - 20. september 2015

Um Gróðrarstöðina Þöll

Gróðrarstöðin Þöll er rekin sem sjálfstæð eining í eigu Skógræktarfélags Hafnarfjarðar og hefur eigin stjórn sem starfar óháð félaginu.  Steinar Björgvinsson ræktunarstjóri sér um daglegan rekstur en gróðrarstöðin er opin frá vori og fram á haustmánuði og býður upp á allar helstu trjátegundir s.s. skrautrunna, garðtré, berjarunna, rósir, skógarplöntur, limgerðisplöntur, klifurrunna og margt fleira. Nær eingöngu er um eigin framleiðslu að ræða og hefur gróðurinn verið ræktaður í ræktunarstöð Þallar og þar af leiðandi aðlagaður íslenskum aðstæðum.

Þó svo að stöðin sé fyrst og fremst opin yfir sumartímann er hægt að hafa samband við ræktunarstjórann á öðrum tímum ársins til að fá ráðleggingar um plöntuval og sitthvað fleira.

Þöll er við Kaldárselsveg í Hafnarfirði nærri Íshestum og skammt frá Hvaleyrarvatni. Síminn er 555-6455.

Staðsetning

Trjáklippingar

Nú er rétti tími ársins til hvers kyns trjáklippinga. Eðalrósir og ávaxtatré ætti þó ekki að klippa fyrr en í maí. Berjarunna eins og rifs og sólber ætti að grisja reglulega á þann hátt að klippa í burt alveg niður við jörð gamlar greinar. Gömlu greinarnar eru þykkari og dekkri. Einnig hafa þær tilhneigingu til að leggjast út af. Ungar greinar eru ljósar og vaxa lóðrétt upp. Kvisti sem blómgast bleikleitum blómsveipum síðsumars er heppilegt að klippa niður alla vega annað til þriðja hvert ár. Þá eru aðeins skildir eftir 10 - 20 cm stubbar. Klippingin kemur ekki niður á blómguninni þar sem kvistir þessir blómgast á árssprota.  

Gróðrarstöðin Þöll  |  Kaldárselsvegi  |  221 Hafnarfirði  |  Sími: 555-6455  |  Farsími: 894-1268  |  steinsh@mmedia.is